රාජ්‍ය ත්‍රස්තවාදයට ලයිසන් දෙන ප්‍රතිත්‍රස්ත පනත 25 දා මැති සභයට..?

(skyworld.lk-Colombo, April 14, 2023)
රටේ මහත් ආන්දෝලනයකට තුඩු දී ඇති ආණ්ඩුඅවේ යෝජිත ප්‍රතිත්‍රස්ත පනත් කෙටුම්පත ලබන 25 වෙනිදා පාර්ලිමේන්තුවට ඉදිරිපත් කරන බව අධිකරණ බන්ධනාගාර කටයුතු සහ ව්‍යවස්ථා ප්‍රතිසංස්කරණ අමාත්‍ය ආචාර්ය විජයදාස රාජපක්ෂ පවසනවා.

මෙම පනත පසුගිය 4 වැනිදා  පාර්ලිමේන්තුවට ඉදිරිපත් කිරීමට නියමිතව තිබුණද  බොහෝ පාර්ශ්ව වලින් කෙරුණු ඉල්ලීම් අනුව එදින එය ඉදිරිපත් නොකෙරුණා. එම පනතට එරෙහිව අධිකරණයට යෑමට ප්‍රමාණවත් කාලයක් නොමැති හෙයින් පනත ඉදිරිපත් කිරීම ප්‍රමාද කරන්නැයි ඉල්ලා තිබිණා.

මෙම පනත් කෙටුම්පතට එරෙහිව ආණ්ඩුවේ අභ්‍යන්තරයෙන්ද, විපක්ෂ පාර්ශශ්ව, විද්වත් වෘත්තිකයන්, නීතිඥ සංගම්, වෛද්‍ය හා සෙසෙු වෘත්තීය සංගම්, විශ්ව විද්‍යාල ආචාර්යවරැන්ගේ සංගම්, ගුරු සංගම්, මාධ්‍ය සංවිධාන මෙන්ම විදේශීය රටවල් රැසක් වෙතින්ද දැඩි විරෝධයක් දක්වා තිබෙනවා.

බොහෝ පිරිස් මෙම ප්‍රතිත්‍රස්ත පනත රාජ්‍ය ත්‍රස්තවාදයට ඉඩ විවරකරන හා ඊට නෛතික බලපත්‍ර ලබාදෙන අතිශය භයානක පනත් කෙටුම්පතක් බව හඳුන්වා දී තිබෙනවා.

Leave a Reply

Your email address will not be published. Required fields are marked *